Featured

ग्लोबल आइएमई बैंकद्वारा स्थानीय लघु, साना तथा मझौला उद्योगको प्रवद्र्धन गर्ने उद्देश्यले शुक्रबार ५०औँ ग्लोबल हाट बजार आयोजना गरेको छ । सबैको निरन्तर उत्साह र सक्रिय सहभागिताले नै साप्ताहिक कार्यक्रमलाई स्थानीय उद्योगका लागि आफ्ना रैथाने दिगो उत्पादनहरू प्रदर्शन गर्ने एक प्रभावकारी माध्यम बनाएको बैंकले जनाएको छ । ५०औँ संस्करणमा आइपुगेकोमा यात्रा सुखद बनेको बैंकका प्रमुख कार्यकारी अधिकृत सुरेन्द्रराज रेग्मीले बताउनुभयो । कार्यक्रममा साथ दिने र सहभागी हुने सम्पूर्ण व्यक्ति तथा उद्यमीहरूलाई उहाँले धन्यवादसमेत दिनुभयो । ग्लोबल हाट बजार प्लेटफर्मले साना र मझौला उद्यमलाई डिजिटल भुक्तानीतर्फ अभ्यस्त गर्दै उनीहरूको व्यापारलाई थप सहज र सुरक्षित बनाउने अभ्यासका रूपमा पनि काम गर्नेमा विश्वस्त रहेको उहाँको भनाइ थियो ।...

सिन्धुलीको घ्याङलेख गाउँपालिका–२ हायुटारस्थित नेपाल एसबीआई बैंक शाखा लुटपाटको योजना लुटेराहरूले गत असोजमै बनाएको र दुई पटक असफल भएपछि तेस्रो प्रयासमा लुट सफल भएको खुलेको छ। बैंक बसेको घरका घरधनीकै सहयोगमा योजना बनाइएको जिल्ला प्रहरी कार्यालय सिन्धुलीले जनाएको छ । प्रहरीका अनुसार लुटेराहरू पुष २३ गते भाडाका मोटरसाइकल लिएर बैंक पुगे पनि लुट असफल भएपछि फर्किएका थिए। पुष २९ गते घरधनीकै डिजाइन अनुसार बैंक प्रवेश गरी सुरक्षा गार्ड र कर्मचारीलाई बाँधेर, मुखमा टेप टाँसी नक्कली पेस्तोल देखाउँदै लुटपाट गरिएको थियो। लुटपछि घाइते अवस्थाका कर्मचारीले प्रहरीलाई खबर गरेका थिए । घटनापछि प्रहरीले बन्धक बनाइएका कर्मचारीको उद्धार गरी घाइते गार्ड रुद्र कार्कीको उपचार गराएको थियो। ५० जनाको प्रहरी टोलीले सर्च अपरेशनका क्रममा घटनास्थलबाट दुई किलोमिटर पूर्व लिपिखोलामा लुटमा प्रयोग गरिएको टाटा सुमो र...